काठमाडौं । नेकपा एकीकृत समाजवादीको पोलिटब्युरो बैठक जारी छ । आलोकनगरस्थित पार्टी कार्यालयमा जारी बैठकमा ७ एजेन्डामा छलफल भइरकेको छ ।

वर्तमान राष्ट्रिय परिस्थिति, संगठन सुदृढीकरण रिपोर्टिङ, पार्टीका सैद्धान्तिक विचारका सवाल, संगठनात्मक अवस्था, आन्तरिक समस्या, आगामी कार्ययोजना संगठनात्मक अभियान र महाधिवेशनबारे र नेतृत्वलाई सुझाव दिने कार्यसूची तय भएको छ ।

बैठकले आसन्न केन्द्रीय कमिटी बैठकको लागि कार्यसूची तय गर्ने महासचिव घनश्याम भुसालले बताउनुभयो। पार्टी महाधिवेशनको मिति र स्थान तोक्न केन्द्रीय कमिटी बैठक यही भदौ ५ देखि ७ गतेसम्म बस्दैछ ।