२०८३, श्रावण ११ गते
- यो साता चर्चामा :
काठमाडौं । प्रधानमन्त्रीको निवास बालुवाटारमा मन्त्रिपरिषद् बैठक अहिले जारी छ । आकस्मिक बैठकबाहेक मन्त्रिपरिषद्को नियमित बैठक सामान्यतया सोमबार र बिहीबार बस्ने गरेको छ ।
यसअघि, बिहीबार बसेको मन्त्रिपरिषद बैठकमा प्रधानमन्त्री केपी शर्मा ओलीले केही मन्त्रीको लागि यो बैठक अन्तिम हुनसक्ने भएकाले अन्यथा नलिन आग्रह गर्नुभएको थियो ।
नेपाल कम्युनिस्ट पार्टी (नेकपा) सचिवालय बैठकले मन्त्रिपरिषद् पुनर्गठनका विषयमा नीतिगत छलफल गरेसँगै आकस्मिक रुपमा बोलाइएको बैठकलाई चासोको रुपमा हेरिएको छ ।
मन्त्रिपरिषद् बैठकको पूर्वसंध्यामा आज बिहान नेकपाका अध्यक्षद्वय ओली र पुष्पकमल दाहाल ’प्रचण्ड’बीच करिब दुई घण्टा लामो छलफल भएको थियो । दुई नेताबीच संवैधानिक नियुक्ति, मन्त्रिपरिषद् पुनर्गठन र समसामयिक विषयमा छलफल भएको बताइएको छ ।
