काठमाडौं । नेपाल लोकतान्त्रिक साना होटेल व्यवसायी संघले नक्कली शरणार्थी प्रकरणका दोषीलाई चोख्याउने प्रयास हुन लागेको भन्दै खबरदारी गरेको छ । संघले यस प्रकरणका दोषी कोही नउम्किउन्, निर्दोष कोही नफसुन् भन्दै खबरदारी गरेको हो ।
संघले विज्ञप्ति जारी गर्दै नागरिकलाई अनागरिक बनाउने जघन्य राष्ट्रद्रोही कार्यको बिना भेदभाव निर्भीक र निष्पक्ष छानबिनको पक्षमा उभिन सबैलाई आह्वान गरेको छ ।
संघका अध्यक्ष लिलाप्रसाद ढकालद्वारा जारी विज्ञप्तिमा इतिहासको विषम परिस्थितिमा नै नेतृत्वको सही परीक्षा हुने भएकाले काँग्रेसको नेतृत्वलाई जनताले मुल्यांकन गरिरहेको उल्लेख छ ।
विज्ञप्तिमा भनिएको छ, ‘विचलित भएर जोडिन नसकेका नेपाली जनताका मनहरूलाई जोडेर वास्तविक लोकतन्त्रको छहारीमा गोलबन्द गराउन भ्रष्टाचार विरुद्धको महाअभियानमा पार्टीको आन्दोलन केन्द्रित गर्न हार्दिक अपिल गर्दछौँ।
