काठमाडौँ । पार्टीको आन्तरिक विवाद बढ्दै गएपछि प्रधानमन्त्री केपी शर्मा ओलीले सुरक्षा निकायका प्रमुखहरुसँग छलफल सुरु गर्नुभएको छ । प्रधानमन्त्री निकट स्रोत दिएको जानकारी अनुसार प्रधानमन्त्री ओली र नेपाली सेनाका प्रधानसेनापति पूर्णचन्द्र थापाबिच आइतबार विहान छलफल भएको छ ।

सत्तारुढ दल नेकपामा विवाद बढेपछि प्रधानमन्त्री एवं पार्टी अध्यक्ष समेत रहनुभएका ओलीले विभिन्न पक्षसँग परामर्श थाल्नु भएको छ । ओलीले बालुवाटारमा सुरक्षा निकायका प्रमुख र कानुनका जानकारसँग पनि परामर्श सुरु गरेको बताइएको छ ।

ओलीले आइतबार बिहान प्रधानसेनापति पूर्णचन्द्र थापासँग छलफल गरेपछि अन्य पक्षसँग परामर्श सुरु गर्नुभएको हो । उहाँले कानुनका ज्ञातासँग पनि छलफल गरिरहेको बताइएको छ । पार्टी अध्यक्ष पुष्पकमल दाहालसँग आज हुने भनिएको भेट भने अहिले सम्म हुन सकेको छैन् ।