२०८३, श्रावण १० गते
- यो साता चर्चामा :
काठमाडौं । भारतीय प्रधानमन्त्री नरेन्द्र मोदीले नेपाल–भारत सम्बन्धलाई आफूले थप सुदृढ बनाउन चाहेको बताएका छन् ।
प्रधानमन्त्री केपी शर्मा ओलीले ट्विटरमार्फत दिएको जन्मदिनको शुभकामनाको जवाफमा मोदीले साझा संस्कृति र इतिहासका आधार दुई देशबीचको सम्बन्धलाई थप सुदृढ बनाउन तत्पर रहेको बताएका हुन् ।
यसअघि, प्रधानमन्त्री ओलीले मोदीलाई जन्मदिनको शुभकामना दिँदै आगामि दिनमा दुई देशबीचको सम्बन्ध सुदृढ बनाउन निरन्तर काम गर्ने बताउनुभएको थियो ।
पछिल्लो समय सीमा विवादलाई लिएर नेपाल–भारत सम्बन्धमा चिसिएको छ । भारतले आफ्नो अधिनमा राखेको लिम्पियाधुरा, लिपुलेक र कालापानी क्षेत्र समेटेर नेपालले नक्सा छापेपछि दुई देशको तवाव बढेको हो । त्यसयता दुई देशका राजनीतिक नेतृत्वबीच औपचारिक संवाद हुन सकेको थिएन ।
