काठमाडौं । बागमती प्रदेशसभाका ज्येष्ठ सदस्य रामप्रसाद ढुंगानाले सांसद पद तथा गोपनीयताको शपथग्रहण गर्नुभएको छ ।
हेटौंडा–१० स्थित प्रदेश प्रमुखको कार्यालयमा माओवादीका सांसद ढुंगानाले ज्येष्ठ सदस्यको रूपमा शपथ लिनुभएको हो ।
बागमती प्रदेशसभाका ११० सांसदमध्ये उहाँ सबैभन्दा बढी उमेर ७२ वर्षका सदस्य हुनुहुन्छ । उहाँलाई प्रदेश प्रमुख यादवचन्द्र शर्माले शपथ गराउनुभएको थियो ।
उहाँले बाँकी सांसदलाई बिहीबार(भोलि) शपथग्रहण गराएर आगामी संसद् अधिवेशनको सुरु गराउनुहुने छ ।
