काठमाडौं । संघीय संसद सचिवालयका सचिव ध्रुवप्रसाद घिमिरेले आफ्नो कार्यकाल पूरा नहुँदै राजीनामा गर्नुभएको छ । सचिव घिमिरेले सचिवालयका महासचिव महासचिव भरतराज गौतमलाई राजीनामा पत्र बुझाउनुभएको हो ।

उक्त पत्र आज राष्ट्रियसभा अध्यक्ष गणेशप्रसाद तिमिल्सिनाको अध्यक्षतामा बसेको सचिवालय व्यवस्थापन समितिको बैठकले स्वीकृत गरेको छ । सचिव घिमिरेले हिजो महासचिव गौतमलाई राजीनामा दिएको र आज राष्ट्रियसभाका अध्यक्ष गणेश तिमिल्सिनाको अध्यक्षतामा बसेको व्यवस्थापन समितिको बैठकले राजीनामा स्वीकृत गरेको घिमिरेले जानकारी दिनुभयो ।

घरायसी समस्याका कारण कार्यकाल पूरा नगरी राजीनामा गर्नुपर्ने अवस्था आएको घिमिरेले बताउनुभएको छ ।