काठमाडौं । नेपाली मूलकी १७ वर्षीय परिजिता बाँस्तोला अमेरिकी ‘द भ्वाइस’ बाट बाहिरिनुभएको छ । एक पछि अर्को चरणमा सफलतापूर्वक प्रवेश गरिरहनुभएकी परिजिता नेपाली समयानुसार आज बिहान भएको प्रतिस्पर्धाबाट बाहिरिनुभएको हो ।

कोच जोन लिजेन्डको समूहलाई प्रतिनिधित्व गरेर प्रतिस्पर्धामा उत्रिनुभएकी परिजिताले सेमिफाइनलसम्म उत्कृष्ट प्रस्तुति दिनुभएको थियो । उहाँको सेमिफाईनलको प्रस्तुति र गायकीको खुवै प्रशंसा भएको थियो । उहाँको लागि नेपाली मूलका कलाकार र समुदायमात्र नभएर बाहिरी कलाकारहरुले पनि भोट र समर्थनका लागि आग्रह गरेका थिए । तर कम भोटका कारण बाँस्तोला फाईनलसम्म भने आफ्नो यात्रा तय गर्न असफल हुनुभयो ।

नेपाली क्यालेन्डरअनुसार ‘द भ्वाइस’ को फिनाले यही मंसिर २६ र २७ गते हुँदैछ ।