काठमाडौं । सुदुरपश्चिम प्रदेशका मुख्यमन्त्री त्रिलोचन भट्टले कोरोनाभाइरसको महामारीको बेलामा संघीयताको आवश्यकता पुष्टि भएको दावी गर्नुभएको छ ।

उहाँले संघीयताकै कारण नेपालमा कोरोनाभाइरसको महामारी न्युनिकरण भएको दावी पनि नेपाली नेटवर्कसँग गर्नुभयो ।
नेपाली बहसमा बोल्दै उहाँले भन्नुभयो, “अहिले महामारीको बेलामा संघीयताको आवश्यकता पुष्टि भएको छ, संघीयता भएकाले नै अहिले महामारी व्यवस्थापन र न्युनिकरणमा धेरै सजिलो भएको छ ।”

उहाँले मुलुकमा संघीयता नभएको भए अहिलेको महामारी नियन्त्रण गर्न धेरै गाह्रो हुने र अनियन्त्रीत अवस्थामा पुग्ने दावी पनि गर्नुभयो ।
मुख्यमन्त्री भट्टले संघीयताको विरोध गर्नेहरुलाई नेपालको विकास विरोधीको संज्ञा पनि दिनुभयो ।