काठमाडौं । प्रहरी हिरासतमा विजय रामको मृत्यु भएको घटनाका दोषीलाई कारबाहीको माग गर्दै आमरण अनसन बसेका पूर्वमन्त्री विश्वेन्द्र पासवानलाई उपचारका लागि धरान लगिएको छ ।

बिहीबार मध्यराति प्रदेश प्रहरी कार्यालयबाट खटिएको टोलीले पूर्वमन्त्री पासवानलाई एम्बुलेन्समा हालेर बिपी कोइराला स्वास्थ्य विज्ञान प्रतिष्ठानमा पु¥याएको हो ।

पूर्वमन्त्री पासवान पछिल्लो एक सातादेखि इलाका प्रहरी कार्यालय गरुडा अगाडि आमरण अनसन बस्नुभएको थियो । उहाँको स्वास्थ्य अवस्था बिग्रदै गएको थियो ।

उहाँ आमरण अनसन बस्दा गरुडामा दैनिकजसो प्रदर्शन हुँदै आएको थियो । हिजो मात्रै प्रदर्शनकारी र प्रहरीबीच झडप भएको थियो ।

प्रदेश प्रहरी प्रमुख डिआइजी धीरजप्रताप सिंहले आमरण अनसन बसेका पूर्वमन्त्रीको स्वास्थ्य अवस्था नाजुक भइसकेपछि अस्पताल पु¥याइएको बताउनुभयो ।

पूर्वमन्त्री पासवानलाई ज्वरो पनि आएको र स्वास्थ्य अवस्था कमजोर बनिसकेको स्थानीय चिकित्सकले बताएपछि अक्सिजनसहितको एम्बुलेन्सको व्यवस्थागरी धरान पु¥याएको उहाँले जानकारी दिनुभयो ।