काठमाडौं । उपप्रधान तथा रक्षामन्त्री ईश्वर पोखरेल र गृहमन्त्री रामबहादुर थापा ‘बादल’ को पिसिआर रिपोर्ट नेगेटिभ आएको छ ।

कोभिड १९ संकट व्यवस्थापन केन्द्र (सिसिएमसी)को सचिवालयमा कार्यरत एक कर्मचारीमा कोरोना संक्रमण देखिएपछि रक्षामन्त्री पोखरेल र गृहमन्त्री थापा कन्ट्याक्ट ट्रेसिङमा पर्नुभएको थियो । त्यसपछि उहाँहरु होम आइसोलेसनमा बस्नुभएको थियो ।

सिसिएमसीअन्तर्गतको निर्देशक समितिको क्रमशः संयोजक र सदस्यसमेत रहनुभएका रक्षामन्त्री पोखरेल र गृहमन्त्री थापाको शुक्रबार स्वाब संकलन गरिएको थियो ।

पिसिआर रिपोर्ट नेगेटिभ आएसँगै गृहमन्त्री थापा सोमबारबाट नियमित काममा फर्कने उहाँका प्रेस सल्लाहकार किरण भट्टराईले जानकारी दिनुभयो ।