काठमाडौं । विवेकशील नेपाली पार्टीका अध्यक्ष मिलन पाण्डेले डा. गोविन्द केसीले भनेको सरकारले मानेको भए नेपालको स्वास्थ्य क्षेत्रले कायापलट गर्ने दाबी गर्नुभएको छ । आज ट्विट गर्दै उहाँले त्यसले सरकारको उचाइ पनि बढ्नसक्ने बताउनुभएको हो ।

डा. केसीलाई स्थानीय प्रशासनले हिड्डुल गर्न पुर्याएको अवरोध पुर्याएकोप्रति कटाक्ष गर्दै नेता पाण्डेले यस्तो बताउनुभएको हो । डा. केसीलाई रोक्न लगाएको मेहनत स्वास्थ्य क्षेत्र सुधारमा लगाउनसमेत उहाँको सरकारलाई आग्रह छ ।

‘डा. गोविन्द केसीलाई स्थानीय प्रशासनले हिँडडुलमा अवरोध पु¥याएको छ । उनको सत्याग्रह रोक्न खोजिएको छ’, उहाँले प्रतिप्रश्न गर्नुभएको छ, ‘उनले भनेको मानेको भए हाम्रो जनस्वास्थ्यको अवस्था कहाँ पुग्थ्यो होला ? सरकारकै उचाई कहाँ पुग्थ्यो होला ?’

लामो समयदेखि चिकित्सा शिक्षा सुधारको माग राख्दै आएका वरिष्ठ चिकित्सक डा. केसी बिहीबार जुम्लामा प्रहरीको घेराबन्दीमा परेका थिए ।

त्रिवि शिक्षण अस्पतालबाट सेवानिवृत्त भएपछि कर्णालीका दुर्गम क्षेत्रमा निःशुल्क उपचार गर्दै हिंडेका उनलाई विहीबार प्रहरीले घरोबन्दीमा हालेर अनावश्यक दुःख दिएको थियो ।