काठमाडौं । सभामुख अग्निप्रसाद सापकोटाले नेपाल एक चीन नीतिमा प्रतिबद्ध रहेको बताउनुभएको छ। चिनियाँ राजदूत होउ यान्छीसँगको भेटमा उहाँले यस्तो प्रतिबद्धता व्यक्त गर्नुभएको छ ।
सभामुख सापकोटा र राजदूत यान्छीबीच लैनचौरस्थित सभामुखको सरकारी निवासमा शुक्रबार भेट वार्ता भएको थियो।
भेटमा सापकोटाले नेपाली भूमि छिमेकी राष्ट्रविरुद्ध प्रयोग हुन नदिने विषयमा नेपाल सचेत रहेको बताउनुभयो ।
भेटका क्रममा राजदूत यान्छीले नेपालको स्वतन्त्रता, सार्वभौमिकता र राष्ट्रिय अखण्डताको पक्षमा चीनले सदैव दृढ समर्थन गर्ने बताएको सभामुखको सचिवालयले जारी गरेको विज्ञप्तिमा उल्लेख छ।
नेपालको आर्थिक समृद्धि र विकासमा चीनले सधैँ सहयोग गर्ने प्रतिबद्धता यान्छीले जनाउनुभएको छ ।
