काठमाडौं । सेयर बजार परिसूचक नेप्से बिहीबार पनि घटेको छ ।
पछिल्लो चार दिन (सोमबारदेखि बिहीबारसम्म)मा बजार ८५.९९ अङ्कले घटेको छ । साताको पाँचौँ कारोबार दिन आज नेप्से १९.०६ अङ्क (०.९३ प्रतिशत) ले गिरावट हुँदा २०३७.८३ अङ्कमा बन्द भएको छ । आइतबार सेयर बजार २१२३.८२ बिन्दुमा रहेको थियो ।
नेप्सेसँगै अधिकांश उपसूचकमा गिरावट हुँदा आज कारोबार रकम पनि घटेको छ ।
पछिल्लो समय लगातार २ अर्ब नाघिरहेको कारोबार रकम बुधबार २ अर्बबाट तल झरेको मा आज लगातार दोस्रो दिन पनि कारोबार रकम दुई अर्बबाट तल झरेको छ ।
मंगलबार २ अर्ब ८१ करोडको कारोबार भएको बजारमा बुधबार १ अर्ब ९३ करोड ५५ लाख २० हजारको कारोबार भएको थियो । बिहीबार पनि ६२ लाख ९८ हजार ६३३ कित्ता सेयर किनबेच हुँदा १ अर्ब ७६ करोड १० लाख २३ हजार रुपैयाँको कारोबार भएको छ ।
