काठमाडौं । टिच फर नेपाल संस्थाका सह-संस्थापक तथा उद्यमी शिशिर खनालले काठमाडौं क्षेत्र नम्बर ६ बाट प्रतिनिधि सभा चुनाव लड्ने घोषणा गर्नुभएको छ ।
सरकारले चुनावको मिति घोषणा गरेको अर्को दिन आज खनालले काठमाडौं-६ बाट चुनाव लड्ने सार्वजनिक गर्नुभएको हो ।
४३ वर्षीय खनाल टोखा-१० गोंगबुका बासिन्दा हुनुहुन्छ । उहाँले अमेरिकाको युनिभर्सिटी अफ विस्कन्सनबाट सार्वजनिक नीतिमा स्नातकोत्तर गर्नुभएको छ ।
आफूले पढेको विषय पनि सार्वजनिक नीति भएको र शिक्षाको क्षेत्रमा काम गरेकाले संसदमा गएर नीति निर्माणको काम गर्न चुनाव लड्न लागेको खनालले बताउनुभएको छ ।
खनालले स्वतन्त्र उम्मेदवारी दिएपनि सो अभियानमा भने आफू औपचारिक रूपमा नजोडिएको बताउनुभयो । काठमाडौं–६ मा २०७४ को चुनावमा नेपाली कांग्रेसका भीमसेनदास प्रधान निर्वाचित हुनुभएको थियो ।
