काठमाडौं । विश्वभर फैलिरहेको कोरोना महामारीका कारण नेपाली बजारमा सुनको मूल्यमा निकै उतार चढाव देखिदै आएको छ । यसै क्रममा आज पनि सुनको मुल्य बढेको छ । बुधबार तोलामा ९६ हजार ८०० मा कारोबार भएको सुन आज तोलाको ८०० रुपैयाँले बढेको हो ।

छापावाल सुन आज (बिहीबार) तोलामा ९७ हजार ६०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यस्तै तेजावी सुनको मुल्य तोलामा ९७ हजार १०० रुपैयाँ कायम भएको छ । यस्तै चाँदी तोलामा १३ सय ४५ रुपैयाँमा कारोबार भइरहेको छ । यसअघि बुधबार चाँदी तोलामा १३ सय १० रुपैयाँमा कारोबार भएको थियो ।