काठमाडौं । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’, नेता नारायणकाजी श्रेष्ठ, नेकपा (एकीकृत समाजवादी) का अध्यक्ष माधवकुमार नेपाल, सम्मानित नेता झलनाथ खनाल र राष्ट्रिय सभा सांसद वामदेव गौतमबिच छलफल भएको छ।
मंगलबार साँझ सिंहदरबारस्थित माओवादी संसदीय दलको कार्यालयमा उनीहरू छलफलमा जुटेका हुन्।
छलफलमा सांसद बाबुराम भट्टराई पनि सहभागी हुने बताइएको छ।
यसअघि आज बिहान भट्टराई र प्रचण्डबीच त्यही ठाउँमा बैठक भएको थियो। छलफलमा समाजवादी केन्द्र बनाउनेबारे कुरा भएको बताइएको छ।
अहिले छलफल गरिरहेकाहरू सबै तत्कालीन नेकपामा सचिवालय सदस्य थिए।
