काठमाडौं । गण्डकी प्रदेशसभाको माइक बिग्रिएपछि संसद् बैठक स्थगित भएको छ । सांसद बोल्दाबोल्दै आइतबार(आज) माइक बिग्रिएपछि सभामुख नेत्रनाथ अधिकारीले संसद् बैठक समस्या समाधान नहुँदासम्मलाई स्थगित गर्नुभएको छ ।
आज जनता समाजवादी पार्टी (जसपा) सचेतक धनमाया लामा पोखरेल बोलिरहनुभएको थियो । उहाँ बोल्दाबोल्दै माइक बिग्रियो । उहाँलाई एक छिन रोकेर सभामुख अधिकारीले समस्या समाधान गर्न कर्मचारीलाई भन्नुभयो ।
फेरि आफ्ना धारणा राख्न सभामुखले सांसद पोखरेललाई समय दिनुभयो । माइक बिग्रिएपछि उहाँले बिना माइक आफ्ना कुरा राख्नुभयो र उहाँ बिदा हुनुभयो ।
गण्डकी प्रदेशसभामा गत २० असारदेखि आगामी आर्थिक वर्ष २०७९८० को बजेटमाथिको छलफल जारी छ ।
