काठमाडौं । नेपाल–भारत पेट्रोलियम तथा ग्यास जोइन्ट वर्किङ ग्रुपको दोस्रो बैठक सकिएको छ । छलफल पेट्रोलियम पदार्थ र ग्यासको पूर्वाधार बिस्तारमा केन्द्रीत रहेको बताइएको छ । 

नेपालले अघि बढाउन लागेको पेट्रोलियम भण्डारण तथा पाइपलाइन परियोजनामा भारतीय सहयोग तथा परियोजना निर्माणमा देखिएका समस्याबारे मूल्यांकन गर्न बैठक केन्द्रीत रहेको उद्योग वाणिज्य तथा आपूर्ति मन्त्रालयले जनाएको छ ।

पहिलो चरणको पाइपलाइनपछि अमलेखगन्जमा थप भण्डारण गृह निर्माण, अमलेखगन्ज लोथर पेट्रोलियम पाइपलाइन विस्तारको विषयमा दुई पक्षबीच छलफल भएको छ ।

त्यस्तैै, सिलगुढी–झापा दोस्रो अन्तरदेशीय पेट्रोलियम पाइपलाइन तथा रुपन्देहीसम्म प्राकृतिक ग्यास पाइपलाइन विस्तारको विस्तृत सम्भाव्यता अध्ययन र चुनौतीबारे बैठक केन्द्रित रहेको मन्त्रालय स्रोतले जनाएको छ ।