२०८३, श्रावण १० गते
- यो साता चर्चामा :
काठमाडौँ । एमाले अध्यक्ष केपी शर्मा ओलीको गृह नगर तथा निर्वाचन क्षेत्र दमकमा नेकपा एमाले पराजित भएको छ । एमालेकी उम्मेदवार पूर्व नगर उपप्रमुख गीताकुमारी अधिकारीलाई राप्रपाका रामकुमार थापाले ५५९ मतले हराए ।
पूर्व नगर प्रमुख समेत रहेका थापाले १७ हजार ५२५ मत पाए । निकटतम प्रतिष्पर्धी अधिकारीले १६ हजार ९६६ मत पाइन्।
चुनावी चर्चाको केन्द्र रहेको यो नगरमा कांग्रेस–माओवादी र राप्रपाले एमाले विरुद्ध गठबन्धन गरेका थिए । चुनावी परिणामपछि माओवादीका नगर अध्यक्ष तीर्थराज बस्नेतले आफूहरू मिलेर लामो समयदेखिको एमालेको एकाधिकार खोसेको प्रतिक्रिया दिए ।
उपप्रमुखमा गठबन्धनकै कांग्रेस उम्मेदवार रेगिना प्रसाई विजयी बनिन्। उनले १७ हजार ७२ मत पाउँदा निकटतम प्रतिष्पर्धी एमालेका अम्विका प्रसाद खनालले १६ हजार ५७४ मत पाए ।
