काठमाडौँ । सत्ता गठबन्धनको स्थानीय तह निर्वाचन तयारी तथा अनुगमन समितिको बैठक बस्दै छ । आइतबार दिउँसो १ बजे प्रधानमन्त्रीको सरकारी निवास बालुवाटारमा बस्न लागेको समितिका सदस्य हिमाल पुरीले बताए ।

बिहान बसेको सत्ता गठबन्धनका शीर्ष नेताको बैठकपछि दिउँसो १ बजे समितिको बैठक बस्न लागेको हो । उनका अनुसार बैठकमा चुनावी तालमेलबारे मातहतको संयन्त्रबाट प्राप्त भएको रिपोर्टमाथि छलफल हुने छ । केही जिल्लाबाट रिपोर्ट प्राप्त नभएको भन्दै भोलिसम्म बुझाइसक्ने ताकेता गर्ने समितिको तयारी छ ।