काठमाडौँ । सभामुख अग्निप्रसाद सापकोटाको आह्वानमा कार्यव्यवस्था परामर्श समितिको बैठक बस्दै छ । आज दिउँसो १ बजे बस्ने प्रतिनिधि सभा बैठकको एजेण्डाबारे थप छलफल गर्न सभामुखले कार्यव्यवस्था परामर्श समितिको बैठक बोलाउनुभएको हो ।

सभामुखको सचिवालयका अनुसार कार्यव्यवस्था परामर्श समितिको बैठक आज साढे ११ बजे बस्ने छ ।

यसैबीच, संघीय संसद सचिवालयले प्रतिनिधि सभाको संभावित कार्यसूची सार्वजनिक गरेको छ । सचिवालयले बिहीबार साँझ सार्वजनिक गरेको सम्भावित कार्यसूचीमा प्रधानमन्त्री शेरबहादुर देउवाले आदिवासी जनजाति आयोगको प्रतिवेदन पेश गर्ने एउटा मात्रै कार्यसूची छ ।

सचिवालयले सार्वजनिक गरेको कार्यसूचीमा एमसीसी भने परेको छैन ।