काठमाडौं । लोकतन्त्रवादी महिलाहरुले आज देशभरी नेपाल महिला संघको आज स्थापना दिवस मनाउन लागेका छन् । विक्रम सम्वत २००४ साल श्रावण २४ गते राणा शासकहरूकोआँखा छल्दै काठमाडौको म्हैपीमा बनभोज कार्यक्रम गरी नेपाल महिला संघको स्थापना भएको थियो ।

प्रजातन्त्र स्थापनाका लागि भएको संघर्ष र आन्दोलनमा महिलाहरूलाई सहभागी गराउनका लागि अग्रज महिला राजनीतिज्ञ मंगलादेबी सिंहको नेतृत्वमा स्थापना भएको हो ।

महिला संघले महिला शसक्तिकरण, सबलिकरण, जागरण, आर्थिक, सामाजिक,राजनैतिक र सास्कृतिक रुपान्तरणका लागि धेरै भूमिका खेलेको संघकी पुर्व अध्यक्ष डा डिला संग्रौलाले जानकारी दिनुभयो ।

उहाँले आगामी दिनमा हिंसामुक्त समाज निर्माणका लागि महिला संघले विषेश अभियान नै चलाउनु पर्नेमा जोड दिनुभयो । त्यसैगरी कोरोनाको महामारीबाट आफु पनि बचौ,अरुलाई पनि बचाउन भन्ने भावनाका साथ अगाडि बढ्नु पर्नेमा पनि उहाँले स्थापना दिवसको अवसरमा शुभकामना दिनुभएको छ।