काठमाडौँ । प्रधानमन्त्री तथा नेपाली कांग्रेसका सभापति शेरaबहादुर देउवा आज धरान जाँदै छ । प्रधानमन्त्री देउवा बिहान १० बजे हेलिकप्टरमार्फत् धरान पुग्ने कार्यक्रम छ ।

धरान स्थापना दिवसका अवसरमा हुन लागेको ‘धरान डे’ लगायत विभिन्न कार्यक्रममा सहभागी हुन प्रधानमन्त्री देउवा त्यता जान लाग्नुभएको बताइएको छ । धरान उपमहानगर स्थापनाको अवसरमा आज उपमहानगरले सार्वजनिक बिदासमेत दिएको छ । प्रधानमन्त्री देउवाले धरानमा रहेको नेपाली कांग्रेस सुनसरी क्षेत्र नम्बर १ को नवनिर्मित पार्टी कार्यालय भवन पनि उद्घाटन गर्ने कार्यक्रम छ ।

साथै धरान ६ पानवारीमा रहेको फोहोर प्रशोधन केन्द्रको उद्घाटन गर्ने र धरान ८ स्थित तीनकुने सुन्दर बस्ती विकास आयोजनामा बन्दै गरेको बसपार्कको अवलोकन गर्ने कार्यक्रम पनि छ । धरान १२ स्थित प्राविधिक शिक्षालय भवनको पनि प्रधानमन्त्री देउवाले आज उद्घाटन गर्नुहुने छ ।