काठमाडौँ – नेपाली कांग्रेसको महामन्त्रीमा व्यहोरेको पराजयसँगै रक्षामन्त्रीबाट राजीनामा दिएका मीनेन्द्र रिजालले आफूले भावावेशमा निर्णय नगरेको बताउन भएको छ ।

शेखर कोइराला टिमबाट महामन्त्रीमा उम्मेदवारी दिएका उहाँ ठूलो मतान्तरले पराजित हुनुभयो । प्रारम्भिक मत परिणाममा आफू पराजित हुने संकेत देखेसँगै उहाँले राजीनामा दिने घोषणा गर्नुभयो । अन्तिम मत परिणाम आएसँगै प्रधानमन्त्री शेरबहादुर देउवालाई भेटेर उहाँले राजीनामा पत्र बुझाइसक्नुभएको छ ।

लगतै रक्षामन्त्रालयमा पत्रकार सम्मेलन गर्दै रिजालले भावावेशमा निर्णय नलिएको बताउनुभयो । उहाँका अनुसार पार्टीका नेताद्व रायमचन्द्र पौडेल र कृष्ण सिटौलाले यसो गर्न आवश्यक छ र भनेर सोधेका थिए भने पार्टीका सभापति समेत रहेका प्रधानमन्त्रीले साच्चै (राजीनामा) गर्ने हो र ? भनेर प्रश्न गरेका थिए ।

अबका दिनमा जे गर्छु भन्ने लागेको थियो, त्यसका लागि जे राजनीति आवश्यक थियो, त्यो आफूसँग नरहेकाले राजीनामा दिने निर्णय गरेको रिजालले बताउनुभयो ।

उहाँले भन्नुभयो, ‘निकै ठूलो मतान्तरले हारिसकेपछि आफ्नो अनुहार त राम्रो छ भन्न बहाना खोज्नु राम्रो होइन । चार वर्ष कांग्रेस चल्नुपर्छ, त्यसका लागि मेरो यो निर्णय उपयुक्त छ ।’