काठमाडौँ । नेपाली कांग्रेसको १४ औं महाधिवेशन अन्तर्गत आज उपसभापति पदको मतगणना हुने भएको छ । पार्टी कार्यालय सानेपामा अपराह्न ४ बजेबाट मतगणना हुने निर्वाचन समितिका संयोजक गोपाल कृष्ण घिमिरेले जानकारी दिनुभयो ।

उपसभापति पदको मतगणना सकिएपछि मात्र महामन्त्रीको गणना हुने उहाले बताउनुभयो ।  २ उपसभापतिका लागि ७ उम्मेदवार प्रतिस्पर्धामा रहेका छन् । महेश आचार्य, सुजाता कोइराला, पूर्णबहादुर खड्का, विजयकुमार गच्छदार, चन्द्र भण्डारी, धनराज गुरुङ, दिव्यश्वरी शाह उम्मेदवार रहेका छन् ।

आचार्यले स्वतन्त्र रुपमा उम्मेदवारी दिनुभएको हो भने कोइरालाले प्रकाशमान सिंहको प्यानलबाट प्रतिस्पर्धा गर्नुभएके हो । त्यसैगरी खड्का र गच्छदर सभापति शेरबहादुर देउवा, भण्डारी र गुरुङ कोइराला प्यानलबाट उम्मेदवारी दिनुभएको हो। शाहले विमलेन्द्र निधिको समूहकी उम्मेदवार हुनुहुन्छ ।

कांग्रेसमा सभापति पदको नतिजा भने आइसकेको छ । गयराति सार्वजनिक मत परिणाम अनुसार सभापतिमा शेरबहादुर देउवा निर्वाचित हुनुभएको छ ।