सोलुखुम्बु : नेकपा माओवादी केन्द्र सोताङ गाउँपालिकाको अध्यक्षमा गोबिन्द नाछिरिङ राई चयन भएका छन् । यही १५ गते सम्पन्न पालिकाको प्रथम सम्मेलनबाट राईको अध्यक्षतामा ५५ सदस्य पालिका समिति गठन गरिएको हो ।

समितिको दुई उपाध्यक्षमा बिनोद बस्नेत, टेकमान तामाङ र जसना नाछिरिङ चुनिएका छन् । सचिवको जिम्मेवारी धनकुमार विश्वकर्माले पाएका छन् भने सहसचिवमा चित्रमणी राई चयन भएका छन् । कोषध्यक्षको जिम्मेवारी सरस्वती राईलाई दिइएको छ ।

कार्यक्रममा नेकपा माओवादी केन्द्र सोलुखुम्बु इन्र्चाज एवं संघीय सांसद हेमकुमार राई, जिल्ला अध्यक्ष गोम्बु शेर्पा, सचिव असीम राई, प्रदेश समिति सदस्य हिमाल गिरी लगायतका नेताहरुको उपस्थिति रहेको थियो ।

पालिकामा अहिले ६ सय २१ भन्दा बढी क्रियाशील सदस्य छन् । अझै सदस्यता विस्तार गर्दै लगिने अध्यक्ष राईले बताएका छन् ।