काठमाडौँ । साताको दोस्रो कारोबार दिन सोमबार (आज) पनि सेयर बजारको ओरालो यात्राले निरन्तरता पाएको छ । आज पुँजी बजार मापक परिसूचक ’नेप्से’ २१ दशमलव ५१ प्रतिशतले घटेर २ हजार ६ सय २९ दशमलव ९६ विन्दुमा झरेको छ ।

नेपाल स्टक एक्सचेञ्ज (नेप्से)का अनुसार आज चार अर्ब ८९ लाख ३७ हजार १३३ रुपैयाँ बराबरको सेयर कारोबार भएको छ । आज कारोबारमा आएका २२८ कम्पनीका ८२ लाख २५ हजार ८२२ हजार कित्ता सेयर किनबेच भएका छन् ।

यस दिन ठूला कम्पनीहरुको कारोबार मापन गर्ने सेन्सेटिभ परिसूचक पनि ५ दशमलव ९२ अंकले घटेर ४ सय ९५ दशमलव ५३ विन्दुमा ओर्लिएको छ ।

आज हाइड्रोपावर र म्युचुअल फन्ड दुई उपसूचक बाहेक अन्य सबै उपसूचकहरु ऋणात्मक भएका छन् ।

आज न्यादी हाइड्रोपावर कम्पनीका लगानीकर्ताहरुले अधिकतम ९ दशमलव ९९ प्रतिशतले कमाएका छन् भने सबैभन्दा बढी आईसीएफसी फाइनान्स कम्पनीका लगानीकर्ताहरुले १० प्रतिशतले गुमाएका छन् । आज होटल तथा पर्यटन उपसमूहको परिसूचक सबैभन्दा धेरै घटेको छ ।