काठमाडौँ । सर्वोच्च अदालतमा प्रधानन्यायाधीश चोलेन्द्र शमशेर जबराको राजीनामा माग गर्दै आन्दोलनरत कानुन व्यवसायी र उनको पक्षमा रहेका कानुन व्यवसायीबीच झडप भएको छ ।

आज प्रधानन्यायाधीश जबराको राजीनामा माग्दै अदालत प्रवेशमा रोक लगाउन पुगेका नेपाल बार एशोसिएशनका कानुन व्यवसायी र जबरा पक्षधर कानुन व्यवसायीबीच सर्वोच्च अदालत बाहिर धकेलाधेकल भएको हो ।

दुई पक्षबीच झडपको अवस्था बनेपछि प्रहरीले हस्तक्षेप गरेको थियो । त्यसक्रममा प्रहरीले प्रधानन्यायाधीश जबरा पक्षमा नाराबाजी र झडपमा उत्रिएका ३ महिलासहित ५ जनालाई नियन्त्रणमा लिएको छ । उनीहरुलाई प्रहरीले नियन्त्रणमा लिएपछि बारका पदाधिकारीहरु सर्वोच्च बाहिर धर्नामा बसेका छन् ।