काठमाडौँ । नेकपा एकीकृत समाजवादीको स्थायी कमिटी बैठक आज बस्दै छ । उपमहासचिव एवम् प्रचार विभाग प्रमुख जगन्नाथ खतिवडाका अनुसार बैठक दिउँसो २ बजे बस्ने गरी बैठक बोलाइएको छ ।

नयाँ बानेश्वरस्थित अर्पण बैंक्वेटमा बस्ने स्थायी कमिटी बैठकले कात्तिक २७ र २८ गतेका लागि तय भएको केन्द्रीय कमिटीको दोस्रो पूर्ण बैठकका प्रस्ताव अनुमोदन गर्ने जनाइएको छ ।

बैठकले विभिन्न पार्टी परित्याग गरी एकीकृत समाजवादीमा प्रवेश गरेका तथा प्रवेश गर्ने तयारीमा रहेका नेता कार्यकर्ताहरुको जिम्मेवारी र भूमिकाबारे पनि निश्चित मापदण्ड निर्धारण गरी केन्द्रीय कमिटीमा पेस गर्ने उपमहासचिव खतिवडाले जानकारी दिनुभयो ।