काठमाडौँ । सर्वोच्चका न्यायाधीश तथा कानून व्यवसायीहरुको विरोधकै बीच प्रधानन्यायाधीश चोलेन्द्रशम्शेर जबराले ९ वटा इजलास तोक्नुभएको छ । उहाँले ६ वटा संयुक्त र तीनवटा एकल इजलास तोक्नुभएको हो । ती सबै इजलासमा उहाँले बन्दी प्रत्यक्षीकरणको मुद्दा मात्रै तोक्नुभएको छ ।

एउटा एकल र अर्को संयुक्त इजलासमा यी सबै मुद्दा तोक्न सकिने अवस्था रहे पनि प्रधानन्यायाधीश जबराले धेरै संख्यामा इजलास सञ्चालन भएको सन्देश प्रवाह गर्न एउटा इजलासमा एउटाभन्दा बढी मुद्दा राख्नुभएको छैन ।

सर्वोच्च अदालतका असन्तुष्ट न्यायाधीशहरूले प्रधानन्यायधीश जबराले आफ्नो इजलास नतोक्न र इजलासमा बन्दी प्रत्यक्षीकरण बाहेकका निवेदन नहाल्न आग्रह गरेका थिए । त्यसैले आज प्रधानन्यायाधीश जबराले बन्दी प्रत्यक्षीकरणको बाहेक कुनै निवेदन पेसीमा तोक्नुभएको छैन ।