काठमाडौं । प्रधानन्यायाधीश चोलेन्द्र शमशेर राणा विवाद र दवावका आधारमा राजीनामा दिइयो भने गलत परम्परा बस्ने भएकाले आफुले राजीनामा नदिने स्पष्ट पार्नु भएको छ ।

मुद्धमा जहिले पनि दुई पक्ष हुने र पराजीत पक्षले न्यायाधिशलाई विवादमा तान्ने वा विरोध गर्ने भएकाले विवाद भएकै आधारमा राजीनामा दिनु पर्ने हो भने न्यायधिशले न्याय दिनै नसक्ने उहाँले तर्क गर्नुभयो ।

न्यायाधिशले न्याय दिनै नसक्नेगरी गलत परम्परा बस्ने भएकाले पनि आफुले अहिले राजीनामा नदिने अडान उहाँले दोहोर्यानुभयो ।

पद त्यागको पनि विधि र प्रक्रिया भएकाले गलत परम्परा बस्नेगरी दुई चार जनाले राजीनामा माग्दैमा आफुले राजीनामा नदिने उहाँले स्पष्ट पार्नु भयो ।

उहाँले आफ्नो नेतृत्वमा सर्वोच्च अदालतबाट धेरै ऐतिहासिक फैसला भएपछि डाहा लागेर आफुलाई विवादमा तानिएको दावी गर्नुभयो ।

आफूले सोचेजस्तो गर्न अझै बाँकी रहेको पनि उहाँले नेपाली रेडियो नेटवर्कको नेपाली बहसमा पत्रकार ऋषि धमलासँगको कुराकानीका क्रममा बताउनुभयो ।

कुनैपनि फैसलामा आफ्नो विवेकभन्दा पनि संविधानको मर्मलाई आधार मान्ने गरेकाले फैसलाहरुलाई व्यक्तिगत रुपमा जोड्नुको अर्थ नरहेको उल्लेख गर्नुभयो ।