२०८३, श्रावण १४ गते
- यो साता चर्चामा :
काठमाडौं । नेपाली कलाकार, मोडल तथा निर्देशक कुमुद पन्त पछिल्लो समय सामाजिक सेवामा सक्रिय बन्दै जानु भएको छ ।
बेलायतमा बस्दै आउनुभएका पन्तले हाम्रो टिम नेपालद्वारा चितवनको माडी नगरपालिका वडा नम्बर ८ मा बसोवास गर्ने चेपाङ समुदायमा न्यानो कपडा र सिरक डस्ना वितरण कार्यक्रमलाई प्रोत्साहन गर्दै २० हजार २ सय ८० रुपैंया सहयोग गर्नुभएको अभियान्ता उमेश बोहराले जानकारी दिनुभएको छ ।
आज बिहान हाम्रो टिम नेपालले चितवन माडीको चेपाङ समुदायका लागि ४० जोर सिरक डस्ना र १२३ जना भन्दा बढी ठुलो मान्छे र ३५ जना सानो बच्चाका लागि न्यानो लुगा वितरण गरेको पनि उहाँले बताउनुभयो ।
यस्तै, दैलेखकी ६ वर्षीया छाला रोग पिडीत बालिकाको निः शुल्क उपचार भइरहेको भएपनि अन्य खर्चमा मद्दत पुगोस् भन्ने हेतुले नेपाली कलाकार, मोडल तथा निर्देशक पन्तले १५ हजार ५ सय २० रुपैंया सहयोग रकम प्रदान गर्नुभएको समाजसेवी इशा गुरुङले बताउनुभएको छ ।
आगामी दिनमा पनि गरिब, दुःखी र असाहायहरुलाई सक्दो सहयोग गर्दै अघि बढ्ने पन्तले बताउनुभएको छ ।
