काठमाडौँ । पछिल्लो २४ घण्टामा देशभर ६७९ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ७ हजार ७० पीसीआर परीक्षणमा ५७४ र ३हजार ८५० एन्टिजेन परीक्षणमा १०५ जना गरी ६७९ जनामा संक्रमण पुष्टि भएको हो ।
पछिल्लो सोहि अवधिमा १ हजार ४०५ जना संक्रमणमुक्त भएका छन् भने कोरोना संक्रमणका कारण ७ जनाको मृत्यु भएको छ ।
आज थपिएकासंगै देशभर संक्रमितको कुल संख्या पीसीआर विधिबाट भएको परीक्षणमा ७ लाख ९७ हजार १९२ र एन्टिजेन विधिबाट भएको परीक्षणमा ९२ हजार ३४ जना पुगेको छ ।
संक्रमितमध्ये हालसम्म ७ लाख ६९ हजार २२४ जना निको भएका छन् भने यस्तै हालसम्म ११ हजार १६४ जनाको मृत्यु भएको छ ।
हाल देशभर सक्रिय संक्रमितको संख्या १६ हजार ८०४ रहेको छ । जसमध्ये १५ हजार ५३४ जना होम आइसोलेसनमा र १ हजार २७० जना संस्थागत आइसोलेसनमा छन् ।