टोकियो । एनआरएनए जापानको दशौं महाधिवेशन नजिकिँदै गर्दा बिभीन्न पदमा उम्मेदवारी घोषणाको लहर चलेको छ । एनआरएनए जापानको आगामी कार्यकाल २०२१–२०२३ को लागी युवा संयोजकमा राजेश खनालले उम्मेदवारी घोषणा गर्नुभएको छ ।

संस्थाभित्र भएका कमजोरी र गलत प्रवृत्तिका बिरुद्द निरन्तर रुपमा आवाज उठाउदै आउनुभएका खनाल २०१९–२१ कार्यकालमा कार्यसमिति सदस्य हुनुहुन्थ्यो ।

गलत प्रवृति भएकाहरुलाई परास्त गर्दै एनआरएनएलाई दुःखको बेलामा सहयोगी, भरोसा र आत्मियताको संगठन बनाउन आफू लागिपर्ने खनालले प्रतिबद्धता जनाउनु भएको छ ।

निःस्वार्थ भावले एनआरएनएमा आबद्ध भएको हुदाँ अन्जानबस भएका गल्तीलाई स्विकार्ने हिम्मत राखेको र बिगतको अनुभवका आधारमा केहि गर्न सक्छु भन्ने आत्मविश्वास रहेको उहाँले उल्लेख गर्नुभएको छ ।

अग्रज तथा अनुजहरुको अनुरोधमा नै आफुले युवा संयोजकमा उम्मेदवारी दिएको खनालने जानकारी गराउनु भएको छ ।