काठमाडौं - चेक रिपब्लिकलाई पराजित गर्दै डेनमार्क युरोकप फुटबलको सेमिफाइनलमा प्रवेश गरेको छ । जरबैजानको बाकुमा भर्खरै सम्पन्न खेलमा डेनमार्कले चेक रिकब्लिकमाथि २ १को जित दर्ता गरेको हो ।

डेनमार्कलाई जित दिलाउने क्रममा थोमस डेलाइनीले खेल सुरु भएको पाचौँ मिनेटमै अग्रता दिलाएका थिए । उनले हेडरमार्फत गोल गरेका हुन् ।

एक गोल खाएपछि चेक रिपब्लिकले केही राम्रा आक्रमण गरेको थियो । तर, त्यो गोलमा परिणत हुन सकेन ।

यता, डेनमार्क काउण्टर एट्याक कायमै राख्यो । सोही क्रममा पहिलो हाफ सकिनुभन्दा केही समयअघि अर्थात ४२ औं मिनेटमा केस्पर डोल्बर्गले गोल गरेका अग्रता दोब्बर बनाए ।

युवा खेलाडी केस्परको जारी प्रतियोगितामा तेस्रो गोल हो ।

दोस्रो हाफको सुरुवातीदेखि नै चेक रिपब्लिकले आक्रमण जारी राख्यो । सोक्रमा ४९ औं मिनेटमा पेट्रिक सिकले गोल गर्दै चेक रिपब्लिकलाई खेलमा फर्काउन खाजे ।

बाँकी समय चेक रिपब्लिकले गोलका प्रयास असफल रहे र खेल डेनमार्कले २-१ ले जित्यो ।

आजको गोलसँगै सिकले जारी युरोकपमा क्रिस्टियानो रोनाल्डोसँग गोल संख्या बराबरी गरेका छन् । दुवैको ५-५ गोल भएको छ ।

उनीहरु दुवै जारी युरोकपका हालसम्मका सर्बाधिक गोलकर्ता हुन् ।

अब डेनमार्कले फाइनल प्रवेशका लागि इंग्ल्याण्ड र युक्रेनको विजेतासँग खेल्नेछ ।

चेक रिपब्लिक भने प्रतियोगिताबाट बाहिरिएको छ ।