काठमाडौँँ । देशभर पछिल्लो २४ घण्टामा थप २ हजार ७६८ जनामा कोरोनाभाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको ७ हजार ५६९ जनाको पीसीआर परीक्षणबाट १ हजार ९६३ र ५ हजार ४६८ जनाको एन्टिजेन विधिबाट गरिएको परीक्षणमा ८०५ जना गरी २ हजार ७६८ जनामा संक्रमण पुष्टि भएको छ ।यस सँगै मुलुकभर कोरोना संक्रमितको संख्या ६ लाख ४२ हजार ८ सय ८ पुगेको छ ।

यहि अवधिमा ४४ जना संक्रमितको मृत्यु भएको छ । यससँगै हालसम्म कोरोनाबाट ज्यान गुमाउनेको संख्या ८ हजार ६४१ पुगेको छ ।

सोहि अवधिमा ४ हजार २० संक्रमित निको भएको स्वास्थ्य मन्त्रालय जनाएको छ । यससँगै हालसम्म देशभर कोरोना संक्रमण मुक्त हुनेको संख्या ५ लाख ४९ हजार ६८२ पुगेको छ ।