काठमाडौं - नेकपा (एमाले)को माधवकुमार नेपाल समूहको समर्थनका कारण सुदूरपश्चिम प्रदेशमा माओवादी केन्द्र नेतृत्वको सरकार जोगिएको छ ।

प्रदेशसभामा आज भएको मत विभाजनमा एमालेको नेपाल पक्षले मुख्यमन्त्री त्रिलोचन भट्टको पक्षमा मतदान गरेको हो ।

५१ सांसद उपस्थित भएकोमा मुख्यमन्त्री भट्टको पक्षमा ३० र विपक्षमा ९ मत प¥यो । कांग्रेसका १२ जना सांसद तटस्थ बसका थिए ।

विश्वास जित्नका लागि २७ मत आवश्यक थियो ।

सरकारलाई दिएको समर्थन फिर्ता गर्ने संस्थापन एमालेको निर्णयपछि मुख्यमन्त्री भट्टले विश्वासको मत लिएका हुन् ।

एमाले संस्थापन पक्षले विपक्षमा मतदान गर्न निर्देशन दिएपछि सुदूरपश्चिम प्रदेशसभामा नेपाल पक्ष हाबी हुँदा उनीहरूले केन्द्रको निर्देशन मानेनन् ।
मतगणना सम्पन्न भएपछि भट्टले विश्वासको मत प्राप्त गरेको घोषणा गर्दै सभामुख अर्जुनबहादुर थापाले भने, “मतदानमा उपस्थित ५१ मध्ये ३० मत परेको र कायम भएको सङ्ख्याको बहुमत भएकाले विश्वासको मत प्राप्त गरेको घोषणा गर्दछु ।“