एजेन्सी - मलेसियाको जोहर बारुमा एक सेक्युरिटी भ्यान दुर्घटनामा १ जना नेपालीको मृत्यु भएको छ । अन्य ८ जना नेपाली घाइते भएका छन् ।

दुर्घटनामा गाडी चालक स्थानीय मलेसियालीको पनि मृत्यु भएको छ । लार्किन फायर स्टेशनका प्रमुख डेप्युटी फायर सुपरिटेन्डेन्ट मोहम्मद सुहाइमी अब्दुल जमालले मलेमेलसँग कुरा गर्दै एक स्थानीयले चलाइरहेको टोयोटा हाइस भ्यानमा ९ जना नेपाली सुरक्षा गार्ड रहेको बताएका छन् ।

सुहाइमीका अनुसार दुर्घटनाग्रस्त भ्यानमा चालकसहित १० जना थिए । ती सबैको उमेर २५ देखि ४० वर्ष बीचमा रहेको उनले बताए ।

अन्य घाइतेहरुमध्ये ३ जनालाई गम्भीर चोट लागेको छ । बाँकी ५ जना भने सामान्य चोट लागेर बचेका छन् ।