काठमाडौं - कवि तथा गीतकार चेतन कार्कीको ८४ वर्षको उमेरमा आज निधन भएको छ । उहाँ छाउनीस्थित सैनिक अस्पतालमा निधन भएको हो ।

अस्वस्थ भएपछि उहाँलाई गत आइतबार सैनिक अस्पताल भर्ना गरिएको थियो । र, उपचारका क्रममा आज बिहान निधन भएको पारिवारिक स्रोतले जनाएको छ । 

तलचित्रकर्मीसमेत रहेका कार्की १६ वैशाखमा भारतको देहरादूनबाट काठमाडौं आउनुभएको थियो । त्यसपछि उहाँलाई ज्वरो आएपछि अस्पताल भर्ना गरिएको थियो । परीक्षणका क्रममा उहाँलाई कोरोना संक्रमण पनि देखिएको थियो ।

उपन्यासकार पनि कार्कीले नेपालीसँगै हिन्दी र उर्दू भाषामासमेत कलम चलाउनुभएको थियो । उहाँका कविताहरु नेपाली, हिन्दी र उर्दू भाषामा प्रकाशित छन् ।

कार्कीले ५० भन्दा बढी फिल्ममा काम गर्नुभएको छ । कथा तथा पटकथा लेखनसँगै निर्देशनमा पनि उहाँले भूमिका निभाउनुभएको थियो ।

कार्कीले लेखेको 'तिजको रहर आयो बरिलै' भन्ने गीत चर्चित छ ।