काठमाडौँ – निर्धन उत्थान लघुवित्त वित्तिय संस्था लिमिटेड टिकाथली शाखाले दुई जना विद्यार्थीलाई डा. हरिहरदेव पन्त स्मृति छात्रवृत्ति प्रदान गरेको छ।

हरेक वर्ष प्रदान गरिँदै आएको उक्त छात्रवृत्ति टिकाथली शाखाले यस वर्ष संस्थाद्वारा सञ्चालित नवदित महिला समूहकी सदस्य महालक्ष्मी राइको छोरी प्रनिता राइ र ओचुख समूहका सदस्य लक्ष्मी बज्राचार्यका छोरा सुदिन बज्राचार्यलाई प्रदान गरेको हो ।

दुवै जनालाई जनही ६ हजार रुपैयाँ छात्रवृत्ति प्रदान गरिएको हो । एक कार्यक्रमकाबीच आज उक्त छात्रवृत्ति टिकाथली शाखाकी प्रबन्धक बन्दना ज्ञवाली अधिकारीले वितरण गर्नुभयो ।

निर्धन उत्थान लघुवित्त वित्तिय संस्था लिमिटेडले आफ्ना १८१ शाखामार्फत हरेक वर्ष ३६२ जना विद्यार्थीलाई २१ लाख ७२ हजार रुपैयाँ छात्रवृत्ति प्रदान गर्दै आएको छ।

यस वर्षको छात्रवृत्ति रकम चैत मसान्तभित्र सबै शाखामार्फत वितरण गरिसक्ने निर्धन उत्थान लघुवित्त वित्तिय संस्था लिमिटेडका प्रमुख कार्यकारी अधिकृत जनार्दनदेव पन्तले जानकारी दिनुभयो।