सुर्खेत । कर्णाली प्रदेशमा आज ४ जना कोरोना संक्रमित फेला परेका छन् । रुकुमपश्चिमको चौरजहारी नगरपालिकाको प्रयोगशालामा गरिएको परीक्षणमा रुकुमपश्चिमको ३ जना र सल्यानका १ जनामा कोरोना संक्रमण देखिएको हो ।

संक्रमित हुनेमा रुकुमपश्चिम बाँफीकोट गाउँपालिका–९का ३४ वर्षीय पुरुष, १० का २७ वर्षीय पुरुष, चौरजहारी नगरपालिका–९ का २७ वर्षीय पुरुष र सल्यान कुमाख गाउँपालिकाका ४० वर्षीय पुरुष रहेको कर्णाली प्रदेश सामाजिक विकास मन्त्रालय अन्र्तगत स्वास्थ्य महाशाखाका प्रमुख डा.लक्ष्मीनारायण तिवारीले जानकारी दिनुभयो ।

योसँगै कर्णालीमा कोरोना पुष्टी हुनेको संख्या १७२७ पुगेको छ । कर्णालीमा शनिबार १७ जना कोरोना संक्रमणबाट मुक्त भएका छन् । र्खेतको लेकबेसी आइसोलेसनबाट १ जना, दैलेख अस्पतालबाट ३ जना, रुकुमपश्चिमको चौरजहारी अस्पतालबाट ३ जना, कर्णाली स्वास्थ्य विज्ञान प्रतिष्ठानबाट १० जना गरी १७ जना डिस्चार्ज भएको डा. तिवारीले बताउनुभयो ।