काठमाडौं । पश्चिमी वायुको प्रभाव कमजोर बनेसँगै देशका धेरैजसो ठाउँको मौसम सफा भएको छ ।

अहिले प्रदेश १ का केही ठाउँमा बादल र तराईमा कुहिरो लागेको तथा बाँकी ठाउँको मौसम सफा रहेको मौसम पूर्वानुमान महाशाखाले जनाएको छ ।

तराइमा लागेको हुस्सु तथा कुहिरो दिउँसो पखबाट हट्ने पनि छ। सामान्य बादल लागेको प्रदेश १ मा पनि पानी पर्ने सम्भावना भने नरहेको महाशाखाले जनाएको छ ।

तत्काल मौसमी प्रणाली विकास नभएकाले आउँदो तीन दिन मौसम सामान्यतया सफा रहने छ । यसैबीच आज बिहान काठमाडौंको न्यूनतम तापक्रम चार दशमलव पाँच डिग्री सेल्सियस मापन भएको छ ।