२०८३, श्रावण १० गते
- यो साता चर्चामा :
काठमाडौं । संसद् विघटनविरुद्ध नेकपा प्रचण्ड–माधव समूहले आज आन्दोलनका थप कार्यक्रम घोषणा गर्न लागेको छ ।
आन्दोलनका लागि यसअघि नै संघर्ष समिति घोषणा गरिएकोमा आज दिउँसो ३ बजे पत्रकार सम्मेलनमार्फत थप कार्यक्रम घोषणा गरिने भएको हो ।
यसअघि नेकपाले पुस १४ मा देशव्यापी प्रदर्शन गरेको थियो । पुस १७ मा सबै प्रदेशका बैठक समेत सम्पन्न भएका थिए ।
आज संघर्ष समितिको बैठक दुई बजे बस्ने र त्यसपछि पत्रकार सम्मेलनमार्फत आन्दोलनका कार्यक्रम सार्वजनिक गरिने समिति संयोजक नारायणकाजी श्रेष्ठले बताउनुभयो ।
नेकपाले यो बीचमा कांग्रेस र अन्य दलसँग मिलेर संयुक्त आन्दोलनका लागि प्रयास गरे पनि कांग्रेसभित्र स्पष्ट मत जुट्न नसक्दा नेकपाले एक्लै आन्दोलन गर्ने भएको हो ।
यता, प्रधानमन्त्री केपी शर्मा ओली पक्षले आज पनि विभिन्न ठाउँमा भेला तथा प्रशिक्षण कार्यक्रमको आयोजना गरेको छ । मातहतका विभिन्न निकायहरुलाई परिचालन गरेर केन्द्रीय नेताहरु समेत सहभागी हुनेगरी छुट्टा–छुट्टै विभिन्न कार्यक्रमको आयोजना गरिएको हो ।
काठमाडांैको प्रज्ञा प्रतिष्ठानमा दिउसो १ बजेपछि हुने कार्यक्रममा प्रधानमन्त्री ओली, उपप्रधानमन्त्री ईश्वर पोखरेल, गृहमन्त्री रामबहादुर थापालगायतका नेताहरुले सम्वोधन गर्ने कार्यक्रम रहेको छ ।
