काठमाडौं । शेयर बजार परिसूचक नेप्से बुधबार (आज) सात अङ्कले बढेको छ । बैंक र जीवन बीमा समूहको शेयर उकालो लागेपछि नेप्से ७ दशमलव शून्य ४ अङ्कले बढेर दुई हजार ६८ दशमलव ४५ विन्दुमा पुगेको हो ।

बुधबार दुई सय तीन कम्पनीका एक करोड १५ लाख ५८ हजार कित्ता शेयर ६ अर्ब ८६ करोड २४ लाख रुपैयाँमा कारोबार भएका छन । सबैभन्दा धेरै नेपाल लाइफ इन्स्योरेन्स कम्पनीको एक अर्ब ४३ करोड ४४ लाख रुपैयाँको शेयर कारोबार भएको छ । यो कुनै पनि कम्पनीको एकै दिन भएको कारोबारमध्ये अहिलेसम्मकै धेरै हो ।

बुधबार नबिल बैंक र समृद्धि फाइनान्सका शेयरधनीले नाै प्रतिशतभन्दा धेरैका दरले कमाएका छन । युनाइटेड मर्दी हाइड्रो र नारायणी विकास बैंकका शेयरधनीले भने नाै प्रतिशतभन्दा धेरैका दरले गुमाएका छन।