काठमाडौं । सत्तारुढ नेपाल कम्युनिस्ट पार्टी (नेकपा) सचिवालय बैठक आज दिउँसो १ बजेका लागि निर्धारण गरिए पनि केही घण्टा ढिला हुने भएको नेकपा स्रोतले जनाएको छ ।

बुधवार सचिवालय बैठक राख्नेबारे प्रधानमन्त्री केपी शर्मा ओलीले मंगलवार अनिच्छा व्यक्त गर्नुभएको थियो । तर, अन्तिममा आज उहाँ बैठकमा सहभागी हुन लागेको बताइएको छ ।

स्रोतका अनुसार अहिले आली बैठकको तयारी गरिरहनुभएको छ । यसअघि, नेकपाभित्र विवाद चर्किएका बेला बैठक हुने–नहुने अनिश्चित थियो ।

पुष्पकमल दाहाल ‘प्रचण्ड’ पक्षले एकतर्फी रुपमा सचिवालय बैठक बसाउने तयारी गरेको थियो ।