काठमाडौं । माओवादी केन्द्रका नेता अमनलाल मोदीले वर्तमान सरकारका कारण देशको अवस्था दयनिय बनेको टिप्पणी गर्नुभएको छ ।

एक वर्षको अवधिमा ओली सरकारले भ्रष्टाचारमा मुछिएका आफ्नालाई जोगाउने बाहेक अरु काम नगरेको उहाँको दाकी छ ।

प्रधानमन्त्री केपी शर्मा ओली नेतृत्वको मन्त्रीपरिषद्मा रहेका मन्त्रीहरु नै भ्रष्टाचारमा मुछिएको प्रस्टै हुने बताउँदै उहाँले देशमा निराशा दिनप्रतिदिन बढ्दै गइरहेको जिकिर गर्नुभयो ।

संसदका दुई ठुला दलको समिकरणमा बनेको सरकारले गर्न चाहे गर्न सक्ने हुँदाहुँदै पनि एक सिन्को नभाँचेको आरोप लगाउनुभयो ।

विगतको सरकारबाट निरामा पिसिएका जनताहरुलाई वर्तमान सरकारले झन् बढि डुबाएको पनि उहाँको भनाइ छ । ओली सरकारले काम केहि नगरेर भाषण र कुरा मात्रै गरेरै एक वर्ष विताएको उहाँको भनाइ छ ।