काठमाडौं । सरकारले कोरोना भाइरस (कोभिड –१९)विरुद्धको भ्याक्सिन (खोप) प्रमाणित भएर बजारमा आउनेबित्तिकै नेपाली नागरिकले पनि उपयोग गर्न पाउने गरी तयारी भएको बताएको छ ।

विश्व प्रति—जैविक सचेतना सप्ताहका अवसरमा आयोजित कार्यक्रममा स्वास्थ्य तथा जनसंख्यामन्त्री भानुभक्त ढकालले अन्य देशका सर्वसाधारणका लागि उपलब्ध हुनेबित्तिकै भ्याक्सिन नेपाल भित्र्याउन सम्पूर्ण तयारी भएको बताउनु भएको हो ।

स्वास्थ्यमन्त्री ढकालले भ्याक्सिनको व्यवस्थापन र सहज उपलब्धताका लागि कानून संशोधन गरेर सरकार अघिबढेको बताउनुुभएको छ ।

अहिले परीक्षणका क्रममा रहेका भ्याक्सिनहरु प्रमाणित भएर बजारमा आउनेबित्तिकै नेपाली नागरिकले पनि सहज रुपमा प्रयोग गर्न पाउने गरी आयात सहज बनाउन अध्यादेशमार्फत कानून संशोधन गरिएको उहाँले बताउनुुभयो ।