काठमाडौं । पाठेघरको मुखको क्यान्सर विरुद्धको एचपीभी खोप लगाउने आज अन्तिम दिन रहेको छ । माघ २२ गतेबाट सुरु गरेको अभियान आज समापन हुने स्वास्थ्य तथा जनसङ्ख्या मन्त्रालयले जनाएको छ । स्वास्थ्य तथा जनसङ्ख्या मन्त्रालयका अनुसार अभियानमा शनिबारसम्म १३ लाख किशोरीले खोप लगाएका छन् ।

देशभरका कक्षा ६ देखि १० सम्म अध्ययनरत छात्रा र विद्यालय बाहिर रहेका १० देखि १४ वर्ष उमेर समुहका किशोरीलाई स्थानीय तहमा रहेका स्वास्थ्य केन्द्रहरू मार्फत खोप दिइदैँ आइएको छ । यो अभियानमा १७ लाख किशोरीलाई खोप दिने सरकारले लक्ष्य राखेको छ ।