काठमाडौं । हङकङमा नेपालीद्वारा सञ्चालित रेस्टुरेन्टमा भएको आगलागीमा परी मृत्यु हुनेको संख्या ११ पुगेको छ । मृत्यु हुने सबै नेपाली नै रहेको जनाइएको छ ।

मृतकमध्ये ७ जनाको सनाखत भएको छ । आगलागीमा मृत्यु हुनेमा ३८ वर्षीय युवराज कँडेल, १३ वर्षीया कृतिका कँडेल, ३५ वर्षीय राजबाबु नेपाल, ९ वर्षीय रियान नेपाल र ३९ वर्षीय शेरबहादुर गुरुङ रहेको सहारा हङकङले जानकारी दिएको छ ।

यसैगरी ३२ वर्षीया अनिता निरौला र ४० वर्षीया विनिता तामाङको पनि मृत्यु भएको छ । बाँकी ४ जनाको भने सनाखत हुन बाँकी छ ।

अरु ७ जनाको उपचार भइरहेको र उनीहरुको अवस्था गम्भीर रहेको बताइएको छ । जिरे खुर्सानी नामक सो रेस्टुरेन्टमा आइतबार राति आगलागी भएको थियो ।

तिहारको दीपावलीका साथै जन्मदिन मनाउने क्रममा बालिएको मैनबत्तीबाट आगलागी भएको बताइएको छ ।